Policia e Shkodrës ka dhënë detaje të reja lidhur me arrestimin e biznesmenit Isuf Isufi mbrëmjen e djeshme në vendin e quajtur “Lagje Perash”.
Policia thekson se 49-vjeçari u arrestua bazuar te informacionet në rrugë operative, se po lëvizte me armë zjarri. Pasi e lokalizuan, shërbimet e policisë të forcës së posaçme “Shqiponja” ndërhynë duke e ndaluar dhe gjatë kontrollit i gjetën një armë zjarri pistoletë.
Biznesmeni banues në lagjen “Ajasëm” është prangosur dhe tashmë do të përballet me akuzën e armëmbajtjes pa leje. Isuf Isufi disa vite më parë ishte edhe zv/president i Vllaznisë. Ai është vëllai i Hasan Isufit, i cili në Prill të vitit 2020, plagosi një tjetër person.
