“Po luan blofin”, Bardhi për firmat: Me kë tallen këta?

Pas kreut demokrat, Lulzim Basha, ishte sekretari i Përgjithshëm Gazment Bardhi që komentoi mbledhjen e 4200 firmave për thirrjen e Kuvendit Kombëtar të PD dhe verifikimin e tyre.

Në një deklaratë nga selia blu, Bardhi tha se ish-kryeministri Berisha po luan blofin dhe se nuk kanë arritur të siguronin as ¼ e firmave, por më pak.

“Ka qenë një blof, kakofoni shifrash, një tallje me mundin e demokratëve për halle personale sepse nuk “Ne nuk jemi një organizatë që veprojmë në ilegalitet nuk kemi halle apo problem sa i përket ligjit. Në përgjegjësinë tonë kemi detyrimin ndaj demokratëve për të zbatuar statutin e PD. Dua të konfirmoj se në PD nuk ka ardhur deri tani asnjë kërkesë qoftë edhe një anëtari për mbledhjen e Kuvendit Kombëtar. Ajo që mbështetësit e PD kanë parë gjatë këtyre 2 muajve ka qenë një kakofoni shifrash, një tallje me mundin dhe sakrificën e demokratëve për interesa personale sepse nuk u arrit që pas këtyre mbledhjeve të siguroheshin ¼ e firmave. Ka më shumë se 2 muaj që vërtitet në çdo studio që duhet të mblidhet Kuvendi Kombëtar, ish kryetari Berisha, jo vetëm që nuk ka arritur të sigurojë atë gjë”, tha Bardhi.

Bardhi komentoi dhe deklaratën e ish-deputetit Gent Strazimiri, kur tha se firmat mund të vetë verifikohen, duke thënë se po tallen me demokratët.

“Nuk sillen firmat nga dera prapa, qoftë edhe në shoqërinë e kamerave, në kuti të mbyllura futen në një kasafortë. Në një zyrë që dua ta theksoj se zoti Paloka nuk ka as edhe një zyrë të vetën sepse ka një titull honorifik si kryetar i Këshillit Kombëtar. Tani na thuhet se duhet të hyjmë tek kasaforta e Palokës për të parë a janë firma. Madje sot na u tha se do të vetë verifikoheshin. Me kë tallen këta? Apo do verifikojnë firmat e njëri-tjetrit. E përsëris, kjo parti është institucion aq më tepër kur bëhet fjalë për zyrtarë të lartë. Por blofin me demokratët këta të fundit nuk ja kanë borxh askujt. Madje janë në borxh me demokratët”, u shpreh ai.

Sipas Bardhit, i vetmi hall i demokratëve është largimi një orë e më parë i regjimit të Edi Ramës.