Deputeti demokrat Ervin Salianji ka reaguar sërish pas protestës së zhvilluar nga ish-kryeministri Sali Berisha në selinë e PD, ku nuk munguan tensionet e as përplasjet.
Në një komunikim online nga selia e PD, Salianji u shpreh i keqardhur për këtë situatë, ndërsa theksoi se këto nuk mund të quhen protesta paqësore.
“Zgjidhja nuk vjen nga asnjë milimetër gjak, asnjë centimetër i kësaj godinë nuk vlen më shumë se jeta njerëzorë e demokratëve. Vendosja në këtë situatë duke mos pyetur për asnjë limit njerëzor tregon se si janë ata përballë demokratëve. Kjo nuk është zgjidhja që gjithsecili duhet të ofrojë. Në çdo centimetër të kësaj godine është shkatërruar. Nëse këto quhen protesta paqësore nuk di… çdo centimetër është dhunuar. Padiskutim po shfrytëzohen elementët e një dëshpërimi të thellë që solli humbja e 25 prillit apo çdo element tjetër që ka të bëjë me vendimet e gabuara të lidershpit, por kjo nuk është zgjidhja”, tha Salianji.
Salianji tha më herët se situata është e paimagjinueshme, e bërë për interesat personale të Sali Berishës.
Discussion about this post