Sekretari i marrëdhënieve me jashtë në Forumin Rinor të Partisë Demokratike, Besart Xhaferri ka qenë gjithashtu i pranishëm në “Foltoren” e sotme të ish-kryeministrit, ku edhe pati një paralajmërim për të.
Xhaferri paralajmëroi Berishën se nëse i shkel premtimet e “Foltores” atëherë të rinjtë do ta shpallin “non grata”.
“Doktor, ju keni plot faje dhe keni bërë “mea culpa”, nuk e di sa na vlejnë, por ajo që na vlen është se çdo pikë që ke diskutuar në “Foltore” të respektohet. Pse e them këtë? Sepse nuk duhet të keqpërdorohemi përsëri, sepse nëse i shkel do të rrezikosh të marrësh “non grata”-ën e ne të rinjve, që duam të ndërtojmë të ardhmen në Shqipëri” tha ai.
Takimi i sotëm i liderit historik të PD, ishte i dyti që zhvillohet në Tiranë, ndërsa “Foltorja” e radhës do të mbahet të martën në Pogradec.
Discussion about this post