Sinjalizimi i trupit të Ruzhdi Hoxhës është bërë nëpërmjet telefonit të tij. Ka qenë një taksist i cili ka gjetur rastësisht një telefon pranë shkollës së Bashkuar, të cilën më pas e kishte shitur në një servis telefonash në kryeqytet.
Një nga teknikët e servisit kishte bërë me të një thirrje telefonike, nëpërmjet së cilës policia sinjalizoi dhe lokalizoi vendin e servisit. Në deklaratën e dhënë për policinë taksisti tregoi vendin se ku e kishte gjetur, dhe nga ky moment policia filloi kërkimet në zonën e Dajtit.
Nga lëvizja e telefonit të viktimës, policia zbuloi dhe vendin ku ishte vrarë dhe mbuluar me zhavor e gurë Ruzhdi Hoxha.
Kujtojmë se si i dyshuar për krimin është arrestuar Ferdinand alias Fredi Rrushi. Ky i fundit thuhet se ka lidhje me pjesëtarë të grupeve kriminele.
Discussion about this post