Detaje të reja janë zbardhur në lidhje me vdekjen e 81-vjeçarit, Xhelal Meta i cili u gjet i pajetë në oborrin e banesës së tij. Mësohet se në lidhje me ngjarjen policia ka shoqëruar rreth 20 persona. Të shoqëruarit po merren në pyetjen në lidhje me vdekjes e të moshuarit.
Në lidhje me ngjarjen policia ka bërë me dije se nga hetimet paraprake si dhe ekzaminimi mjeko-ligjor ka rezultuar se viktima ka dëmtime në pjesën e pasme të kokës. Më tej dyshohet se plagët janë të shkaktuara nga goditje me sende të forta. Policia bën me dije se në lidhje me ngjarjen janë referuar materialet në Prokurori, për veprën penale “Vrasje me dashje”.
Sipas informacioneve, moshuari që ishte nisur për në kafenenë e fshatit u gjet i pajetë dhe me dëmtime të shumta në kokë. Ndërsa nga fqinjët nuk raportohet të jenë dëgjaur zhurma, ulërima apo konflikte.
Discussion about this post