Prej një jave lufta në Ukrainë vazhdon dhe numri i viktimave po vjen në rritje, ndërsa çdo ditë shohim pamje të tmerrshme që qarkullojnë në rrjet. Një mjeke vullnetare me një batalion mjekësor ukrainas ka treguar sot se po sheh njerëzit e saj të vdesin ndërsa Rusia vazhdon pushtimin e saj.
Tata Marharian u zhvendos nga vendlindja e saj në rajonin e Donbasit në kryeqytetin e Kievit në vitin 2015 për të studiuar të drejtën ndërkombëtare, por nuk e kishte menduar kurrë se një ditë do të shinte skena të tilla. Ajo tha se spitalet po bombardohen pa mëshirë dhe fëmijë të mitur po vdesin në duart e saj.
“Po shoh fëmijë të vdekur. Unë po shoh spitalet duke u bombarduar. Unë po shoh kishat duke u bombarduar. Është e vështirë… Unë po shoh njerëzit e mi të vdesin. Unë po shoh të gjitha llojet e gjërave të tmerrshme. Kam studiuar krimet kundër njerëzimit në universitet. Kam studiuar të drejtën ndërkombëtare humanitare. Nuk e kisha menduar kurrë se do ta shihja këtë me sytë e mi në vendin tim”, tha ajo. Marharian tha se ajo është e bindur se ajo dhe kolegët e saj vullnetarë mund të bëjnë një ndryshim.
Discussion about this post