Nga Lutfi Dervishi
Supozojmë se mjekët, infermierët dhe koordinatori, që u vunë në qendër të skandalit te Onkologjiku, i dërgojmë në gijotinë. Pa gjyq!
A zgjidhet problemi i mjekimit të sëmurëve me tumor?
A është faji i mjekëve që te Onkologjia mungojnë ilaçet?
A është faji i mjekëve që aty është vendosur një aparat kobalti i teknologjisë së vjetër që po sëmur edhe mjekët?
A është faji i mjekëvë që numri i pacientëve me tumor është në rritje dhe financimi në ulje?
A është faji i mjekëve që financimi i shëndetësisë është më i ulti në rajon vetëm 2.9% të GDP?
A është faji i mjekëve që kemi vetëm një spital onkologjik?
A është faji i mjekëve që në Shqipëri ka vetëm 55 onkologë (24 prej të cilëve në Tiranë)?
A është faji i mjekëvë që aty ka vetëm 15 poltronë kimio-terapie?
A është faji i mjekëve që te Onkologjiku nuk ka pet scan?
A është faji i mjekeve që shqiptarët paguajnë direkt nga xhepi 60% të shpenzimeve shendetesore?
A është faji i mjekëve që gjithë koncesionet në shëndetësi kanë përfunduar në SPAK?
Koncesionet në shëndetësi nuk i kanë bërë as mjekët as shefat e shërbimeve.
Eshtë e lehtë të gjesh koka turku dhe të vendosësh mjekët si tabelë qitje, por siç thuhet rëndom është sistemi dhe jo njeriu. Dhe për sistemin shëndetësor nuk kanë faj mjekët! Eshtë më lart puna!
Por një gjë mund të bëhet pa shpenzime. Të hiqet dore nga “shendetesia falas”, se po del shumë shumë e shtrenjtë.
Discussion about this post