Deputeti demokrat Ervin Salianji tha mbrëmjen e sotme se personalisht do të bënte betejën në çdo institucion, përfshi edhe organet e drejtësisë, duke shkuar.
Salianji u pyet në emisionin “Të Paekspozuarit” nëse do të paraqitej në SPAK nëse do të ishte në pozicionin e Sali Berishës.
“Unë nuk jam Sali Berisha, por nëse do të kisha një betejë do e bëja kudo që të ishte, përfshi këtu edhe organet e drejtësisë. Berisha pretendon se ka një shkelje procedurash, unë do të shkoja në çdo rrethanë dhe do të bëja betejën time kudo”, tha Salianji.
Ai u shpreh se kemi përballë një regjim dhe anormalja është se i kërkohet llogari opozitës dhe jo regjimit.
“Keni parë ndonjë vend ju që ka regjime që ti kërkohet llogari opozitës dhe jo regjimit? Ne si opozitë po reagojmë në çdo formë, kemi nisur një aksion opozitar, çfarë duhet të bëjmë ne?”, tha Salianji.
Discussion about this post