Në përballjen e dytë të Ligue 1 kundër Strasbourg, PSG ka konfirmuar se Lionel Messi do të jetë i pranishëm në fushën e lojës për tu prezantuar para tifozerisë vendase.
Këtë të shtunë klubi parisien ka konfirmuar se ylli argjentinas i sapoafruar do të jetë i pranishëm në fushën e lojës, dhe gjatë pushimit të pjesës së parë, do të dalë në fushë për të përshëndetur tifozerinë.
Pochettino duket se nuk dëshiron të nxitohet me aktivizimin e Messit në lojë, pavarsisht se tashmë ai është zyrtarisht pjesë e PSG.
Për këtë arsye Messi do të jetë i detyruar ta ndjekë ndeshjen nga stolat e stadiumit ndërsa shokët e tij zbresin në fushë.
“Sa i përket Messit, do ta shihni në fushë, por jo në lojë. Ai është në ditën e dytë të stërvitjes pas një muaji pa u aktivizuar. Nuk kemi pse të nxitohemi” ka thënë Pochettino për mediat
