Mauro Icardi është përfolur se mund të largohet nga PSG, me Juventusin si një destinacion të mundshëm, por edhe me klube të tjera të interesuara për sulmuesin argjentinas.
Por trajneri Mauricio Pochettino e ka bërë të qartë se ai është shumë i rëndësishëm për ekipin francez, duke lënë të kuptohet se ai nuk do të largohet.
“Ai sigurisht nuk ka luajtur aq sa e imagjinonte apo dëshironte, por të gjithë lojtarët janë të rëndësishëm në ekuilibrin e një skuadre dhe kjo vlen edhe per Mauron. Karakteristikat e tij e bëjnë lojtar zone, bomber, futbollist që do t’i duhej çdo skuadre. Nuk mund të ndertosh një skuadër me 11 lojtarë të fortë, por duhet edhe ekuilibri dhe këtë e jep Mauro tek ne”, tha argjentinasi.
Qendërsulmuesi, edhe pse jo një zgjedhje e parë e trajnerit, këtë sezon ka bërë 19 paraqitje në të gjitha kompeticionet dhe ka shënuar 4 gola.
Discussion about this post