Pogradeci e nis ‘mbarë’ sezonin turistik, qyteti prej tre ditësh pa drita

Në nisje të sezonit turistik, Pogradeci është përballur me ndërprerje të energjisë elektrike.

Kanë qenë qytetarët, të cilët  kanë denoncuar fenomenin duke pyetur të shqetësuar, nëse do të ketë ende mungesa të energjisë elektrike.

Sipas qytetarëve është nata e tretë tashmë, që s’ka drita në thuajse gjysmën e qytetit për orë të tëra.

“Nata e tretë në Pogradec që nuk ka drita/ energji disa orë. A do ketë më kufizim energjie? Është pothuajse gjysma e qytetit…”- shkruhet në denoncim.