Rastet e dhunës dhe problemet me qytetarët kanë detyruar qeverinë të kthejë një nga masat ndaj efektivëve. Ministri i Punëve të Brendshme, Bledi Çuçi njoftoi sot se buxheti i shtetit ka parashikuar vendosjen e një fondi prej 60 milionë lekë në vit për kamerat e trupit për të gjithë punonjësit e Policisë së Shtetit. Në prezantimin e projektbuxhetit për vitin 2023, ministri tha se vlera është e përballueshme.
“Kamerat e trupit e kanë sistemin e ngritur dhe fondi nuk është shumë i madh, por tërësisht i përballueshëm brenda buxhetit të vitit 2023. Është në nivelin e 60 milionë lekëve në vit, një shumë që mund të përballohet nga buxheti i shtetit”, tha ai.
Discussion about this post