Kreu i Partisë së Lirisë, Iliri Meta ka shkuar tek familja Avdiu për ngushëllime, pas humbjes në mënyrë tragjike të vajzës së tyre 7-vjeçare në plazhin e Himarës.
“Rast i pangushëllueshëm, tragjedi e jashtëzakonshme, tronditëse për çdo shqiptar e prind. Jam impresionuar nga forca dhe karakteri i kësaj familje, se është tragjedi që nuk ka justifikim nga askush, jo vetëm nga autori i papërgjegjshëm. është vrasje e paralajmëruar se ka ndodhur dhe më parë. Në një moment që duhet të shfaqej pendesa, na shpallet se Shqipëria qeka sivjet e para në rajon për sigurinë në plazhe dhe për turizmin. Nuk ka fyerje më të madhe dhe tallje më të madhe për popullin shqiptar”, është shprehur ish-presidenti.
Më herët edhe ish-kryeministri Sali Berisha zhvilloi një vizitë ngushëllimi në familjen Avdia. Po ashtu dhe drejtori i Përgjithshëm i Policisë së Shtetit, Gledis Nano ishte për vizitë ngushëllimi. Ai tha se kishte shkuar për ngushëllime si një prind dhe si një qytetar.
Kujtojmë që Jonada Avdia u përplas nga një skaf për vdekje, teksa ishte duke u larë në plazhin Potam të Himarës nga komisari Arjan Sefa. Ata ishin kthyer për pushime në atdhe, ku vogëlushja humbi jetën tragjikisht.
Një ditë pasi Jonada Avdia, vogëlushja e cila u vra nga skafi që drejtonte nga komisari i policisë Arjan Tase në Himarë, u përcoll për në banesën e fundit, në Tiranë është thirrur një protestë nga shoqëria civile dhe jo vetëm, nën moton “nuk e vrau varka por shteti”.
Discussion about this post