Gjatë mbrëmjes së djeshme, policia e Shkodrës ka shoqëruar në Komisariat 8 persona, pasi dyshohet se kishin dijeni për ekzekutimin e 38-vjecarit Endri Mustafa.
Por vetëm 2 prej tyre, identiteti i të cilëve ende nuk është bërë me dije, janë ndaluar nga efektivët e zonës, pasi dyshohet se janë të përfshirë në vrasje. Trupi i pajetë i Mustafës është gjetur paraditen e djeshme në zonën e Livadheve në Shkodër, tri ditë pasi familja kishte dhënë alarmin për zhdukjen e tij.
I riu, i cili kishte marrë plumba në gojë, gjoks dhe kokë, njihet nga Policia e Shkodrës për përfshirjen në një sërë ngjarjesh kriminale që prej vitit 2009 kur ishte dënuar për plagosje. Mirëpo deri tanivazhdojnë të jenë të paqarta motivet e vrasjes së tij dhe autorët e krimit.
