Policia ekzekuton urdhër-arrestet për disa zyrtarë (EMRAT)

Policia po ekzekuton disa urdhër-arreste në Sarandë, ndërkohë që nuk ka të dhëna zyrtare. Nga raportimet mësohet se forca të policisë po ushtrojnë kontrolle në banesat e disa zyrtarëve dhe ish-zyrtarëve vendorë.

Mësohet se aksioni ka nisur me urdhër të Prokurorisë së Sarandës ndërsa raportohet se janë ndaluar 4 ish-zyrtarë të INUV.

Sipas raportimeve, me urdhër të Prokurorisë janë ndaluar Vangjel Xhavara, Besian Koçi, Artur Musai dhe Erjon Zekaj. Musai raportohet se ka qenë drejtues i IVMT, ndërsa 3 të tjerët inspektorë.

Ende nuk dihet se sa urdhër-arreste janë firmosur, por sipas raportimeve paraprake Prokuroria e Sarandës prej kohësh po heton lidhur me IVMT.

Të 4 ish-zyrtarët dyshohet se kanë lejuar dhe favorizuar ndërtimet paleje në zonën e Ksamilit, gjatë vitit të kaluar.