Policia portugeze bastisi dje disa zyra të klubeve të mëdha të futbollit në vend – Benfica, Sporting dhe Porto – si pjesë e një hetimi të quajtur ‘Operacioni penalty’.
Për Benficën dhe Sportingun, organet e drejtësisë kanë nisur hetimet. Mes lokacioneve të shënjestruara nga 67 urdhra bastisjesh janë edhe shtëpitë e disa futbollistëve dhe zyrat e Gestifute, kompania e Jorge Mendes, avokat sportiv i shumë yjeve në skenën ndërkombëtare të futbollit.
Hetuesit po hetojnë dyshimet për mashtrim tatimor, mashtrim dhe përvetësim. Hetimi është frymëzuar nga dokumentet e zbuluar kohë më parë nga hakeri Rui Pinto, të cilat ishin në origjinë të të ashtuquajturit skandali ‘Football Leaks’.
Avokatët e Pintos, i cili është në gjyq në pritje të një dënimi – leximi i të cilit, fillimisht i caktuar për në prill, është shtyrë për në 13 korrik – nuk deshën të komentojnë lajmin. Por i riu shkroi menjëherë në Twitter:
“Në vitin 2015 filloi projekti i Football Leaks. Pas qindra zbulimeve të ndikimit global, topi tani i ka kaluar drejtësisë”.
Discussion about this post