Autori i sulmit ndaj kryedemokratit Sali Berisha, Gert Shehu, është arrestuar ditën e sotme nga policia, pasi ka përfunduar marrjen e mjekimit te Spitali i Traumës.
Lajmin e bëri të ditur vetë policia përmes një njoftimi zyrtar, ku tha se Shehu është arrestuar pasi ka goditur me grusht në fytyrë, deputetin Sali Berisha.
Sipas njoftimit, mbi të rëndojnë dy akuza: goditje për shkak të detyrës dhe plagosje me dashje. Ndërkohë materialet proceduriale i kanë kaluar prokurorisë për veprime të mëtejshme.
Lexo edhe: Grushtoi Berishën, gazetari:Gert Shehun tentuan ta godasin me thikë
Njoftimi i Policisë:
Tiranë-Strukturat e posaçme të Policisë Gjyqësore të Policisë së Shtetit, në bashkëpunim me specialistët e Seksionit për Hetimin e Krimeve ndaj Jetës, të DVP Tiranë, dhe me shërbimet e Komisariatit të Policisë Nr. 1, pas kryerjes së një sërë veprimesh hetimore dhe procedurale, nën drejtimin e Prokurorisë pranë Gjykatës së Rrethit Gjyqësor Tiranë, për ngjarjen e ndodhur më datë 06.12.2022, arrestuan në flagrancë shtetasin:
Gert Shehu, 31 vjeç, banues në Tiranë, për goditje për shkak të detyrës dhe plagosje me dashje.
Nga veprimet hetimore ka rezultuar se ky shtetas ka goditur me grusht në fytyrë, deputetin Sali Berisha, duke i shkaktuar dëmtime fizike, gjatë kohës që ai po lëvizte me këmbë, në bulevardin Zhan D’Ark, në drejtim të vendit ku do të zhvillohej protesta e planifikuar.
Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.
Discussion about this post