Tirana se ka bërë “gjumin e qetë” këto dy ditë, ku shkak janë bërë tifozët e huaj, të cilët kanë fluturuar nga vendet e tyre për të parë finalen e Conference League.
Një natë dhune para finales, me policë dhe tifozë të plagosur e dhjetëra të shoqëruar, ishin lajmet dhe pamjet që pushtuan median vendase. Por fatmirësisht mbrëmja e së mërkurës kaloi e qetë.
Ashtu siç ishte paralajmëruar në planin e masave, pas finales policia rrugore e Tiranës ka përcjellë tifozët e Romës për në Rinas. Përcjellja është bërë në orën 3 të mëngjesit të sotëm, teksa policia është kujdesur dhe për nevojat e tifozëve që populluan kryeqytetin shqiptar.
Në një video publikuar ata shihen teksa i japin dhe ujë tifozëve që do të rikthehen në vendet e tyre. Kujtojmë që tifozët holandezë këto ditë në Tiranë bënë trazira të shumta dhe kanë qenë në fokusin e medias për shkak të sjelljes së tyre.
Kurse betejën e shumëpritur mes Romës dhe Feyenoord e fitoi skuadra e Jose Mourinho me rezultatin 1-0 dhe heroi ishte Nicolo Zaniolo.
Discussion about this post