Policia e Shtetit ka vijuar me kontrollet për evidentimin dhe ndëshkimin e atyre drejtuesve të automjeteve që abuzojnë me rregullat e qarkullimit rrugor duke rrezikuar jetën e njerëzve.
Mësohet se, gjatë 24 orëve të fundit, janë pezulluar 46 leje drejtimi, nga të cilat 32 për shpejtësi mbi normat e lejuara dhe 14 për drejtim mjeti nën efektin e alkoolit apo në gjendje të dehur.
Gjithashtu, janë arrestuar në flagrancë 8 drejtues mjetesh dhe motomjetesh, nga të cilët, 2 për drejtim mjeti pa leje drejtimi dhe 6 për drejtim mjeti në gjendje të dehur.
Po si rezultat i kontrolleve dhe denoncimeve të adresuara nga qytetarët, janë ndëshkuar me masë administrative, në të gjithë vendin, 967 drejtues mjetesh, për shkelje që sjellin pasoja në jetën dhe shëndetin e përdoruesve të rrugës.
Policia e Shtetit, i bën thirrje drejtuesve të të respektojnë rregullat e qarkullimit rrugor, të mos shpejtojnë dhe të mos kryejnë parakalime të gabuara e manovra të rrezikshme në rrugë, të mos përdorin celularin gjatë drejtimit të mjetit dhe të mos drejtojnë mjetin nën efektin e alkoolit.
