Gjatë fundjavës që lamë pas janë vënë në pranga 7 shoferë, të arrestuar në flagrancë për shkelje të rregullave të qarkullimit rrugor. Këto drejtues mjetesh janë ndaluar, pasi janë kapur nga shërbimet e Policisë Rrugore, në vende të ndryshme, duke drejtuar mjetet, në gjendje të dehur. Njëri nga të arrestuarit ka qenë edhe i papajisur me leje drejtimi.
Nga kontrollet e policisë raportohet se, janë pezulluar 15 leje drejtimi dhe janë vendosur 1066 gjoba për mospërdorim të rripit të sigurimit, për përdorim të celularit gjatë drejtimit të mjetit dhe për shkelje të ndryshme të Kodit Rrugor.
Policia njofton se kontrollet do të vijojnë në mënyrë të pandërprerë në të gjitha akset rrugore të qarkut Elbasan, me qëllim parandalimin e aksidenteve dhe rritjen e parametrave të sigurisë rrugore.
Discussion about this post