Hija e rëndë e kriminalitetit në vend do vazhdojë të jetë evidente për aq kohë sa uniformat blu “mbajnë duart në xhepa”, zvarrisin hetimet dhe nuk hedhin dritë mbi ngjarjet e rënda kriminale.
Gijotina. com sjell një pasqyrë të ekzekutimeve mafioze të cilat vazhdojnë të jenë pa autorë për muaj me rradhë. Nga 100 ditëshi i lënë si afat për bosat e Policisë, sot është dita e 66 e uniformave skandaloze që u ka mbetur për të kryer identifikim dhe arrestimin e autoreve te vrasjeve të shënuara në vend gjatë 2021 qe jane lëne në harresë.
Blutë neglizhojnë hetimet dhe kriminelët e personat me rrezikshmëri të lartë shoqërore enden të pashqetësuar me armën në brez, ku këta të fundit kanë vetëm një gjuhë komunikimi atë të “armës”.
Kjo është policia që duam? Sa të sigurt jemi, kur persona me dosje voluminoze krimesh e emra të njohur për drejtësinë, sorollaten nëpër rrugë dhe ne nuk jemi në dijeni? Dosje të cilat me siguri janë lënë në një qoshe të zyrës së bosit të policisë dhe ka zënë pluhur, ndërsa kriminelët luajnë ping pong, nga njëri shtet në shtetin tjetër për tu arratisur.
Vrasjet pa autorë, 2021:
1) asnjë rezultat apo konkluzion mbi vdekjen e italianit Davide Pechorelli , në Pukë
2)asnjë i arrestuar për vrasjen e Edmir Begut në Durrës
3) asnjë i arrestuar për vrasjen e Gentjan Qarrit Vlorë
4) asnjë i arrestuar për vrasjen e Edmond Cekicit në Durrës
5) asnjë i arrestuar për vrasjen e Bardhok Pllanaj në Shkodër
6) asnjë i arrestuar për vrasjen e Bledar Bircaj në Vlorë
7) asnjë i arrestuar për vrasjen e Everest Cakës në Elbasan
8 ) asnjë i arrestuar për vrasjen e Delon Troqes në Vlorë
9) asnjë i arrestuar për vrasjen e Cajup Selimit Tepelenë
10) asnjë i arrestuar për vrasjen e Shkelzen Velaj Vlorë
11) asnjë i arrestuar për vrasjen e Gramoz Memaj Ksamil
12) asnjë i arrestuar për vrasjen e Bledar Muces Lushnje / Gijotina.com /
