Shqipëria e ka nisur me një rezultat negativ aventurën e saj në eliminatoret e Euro 2024.
Djemtë kuqezi u mposhtën nga Kombëtarja e Polonisë me rezultatin një me zero.
Goli u realizua nga Suiderski, në përfundim të pjesës së parë. Sulmuesi polak ishte me fat, duke përfituar nga një top i ardhur nga shtylla drejt e në këmbët e tij.
Skuadra e Sylvinhos, tentoi gjatë pjesës së dytë të gjente barazimin por ishte e pafat përballë zotësisë së portierit që aktivizohet te Juventus, Vojçek Szczezny.
Në minutat e fundit, Myrto Uzuni pati mundësinë e artë për të dërguar topin në rrjetë por goditja e tij përfundoi fatkeqësisht jashtë.
Në minutat shtesë, vendasit u mbrojtën mirë duke mos lejuar Shqipërinë të rrezikonte shumë portën e tyre.
Me këtë rezultat, Polonia shkon, në kuotën e tre pikëve, ndërsa Shqipëria mbetet në kuotën e zero pikëve.
Discussion about this post