Lideri i Partisë Demokratike Sali Berisha akuzoi sot kreun e grupit parlamentar të PS Taulant Balla si të përfshirë në vrasjen e avokatit Ravik Gurra. I pari që lëshoi këtë deklaratë të fortë ishte Ardjan Çapja, një nga figurat më të njohura në Elbasan në fushën e krimit.
Sipas Berishës, Gurra arriti të sigurojë dosjen me përgjimet ku përmendej dhe emri i Taulant Ballës për masakrën e shkurtit të vitit 2018 në Elbasan.
“Je akuzuar për porositje vrasjesh dhe se ke fshirë regjistrimet, prokurorin që fshiu regjistrimet e ke graduar në detyrë. Dhe së bashku me ty në parlament sot është hija e të ndjerit Ravik Gurra që të kishte kapur në lidhje me bandat dhe në porosi vrasjesh dhe e eleminove” u shpreh Sali Berisha.
Kreu i grupit parlamentar të Partisë Socialiste po merrej me disa shkresa në momentin kur Sali Berisha i përmendi akuzat e familjes Çapja. Pas akuzave të rënda që i janë bërë, Balla ka heshtur.
Deri në 2021, Taulant Balla ishte drejtues politik i Partisë Socialiste në Elbasan, ku mori një numër rekord votash. Për arsye që nuk u zbuluan asnjëherë, ai u transferua në Lushnjë.
Discussion about this post