Humbja ndaj Francës në gjysmëfinalen e Nations League nuk ka qenë aspak e lehtë për portierin e Belgjikës, Thibaut Courtois.
Ndërsa këtë të dielë Belgjika duhet të përballet me Italinë për vendin e tretë dhe të katërt të këtij kampionati.
Duke folur para kësaj sfide gardiani i portës së Real Madrid ka ‘shpërthyer’ ndaj UEFA-s duke thënë se një përballje e tillë nuk ka vlerë.
“Tani duhet të përqendrohemi tek sfida e së dielës kundër Italisë. Por, sinqerisht, nuk e kuptoj se përse shërben kjo ndeshje. Të renditesh i treti në Nations League nuk shërben për asgjë. Nuk e kuptoj se përse e luajmë këtë ndeshje. Për ne do të jetë si një miqësore”,– tha Courtois.
Ndërsa në finalen e Nations League do të jenë Kombëtarja e Francës me atë të Spanjës./K.T/Gijotina.com
