Gigio Donnarumma po luan sezonin e dytë me PSG-në. Objektivi i madh quhet Champions League. Kampionët e Francës dhe titullari i kombëtares italianë nuk e kanë fituar kurrë më parë këtë trofe.
Gjigandi italian i portës foli në lidhje me kundërshtarin e rradhës të francezëve në Europë, Bayern Munchen, rival që nga bookmakersat shihe si favorit:
“Këtë sezon do të japim gjithçka për të fituar Champions League. Sfidat me Bayernin janë si finale të parakohshme. Jemi dy skuadra të jashtëzakonshme, kjo dihet. Vendi i dytë në grup na ka komplikuar jetën. Por, ne duhet të përballemi dhe t’i mundim gjithë skuadrat e mëdha nëse duam trofeun”, deklaroi portieri.
Më pas një koment për gabimin që rezultoi më pas fatal ndaj Karim Benzema:
“Pas golit të Benzemasë e lëshuam lojën, të gjithë lojtarët ulën nivelin e tyre. Nuk ndihem fajtor për atë gafë, por i zhgënjyer isha. E përsëris që ishte faull.
Në futboll fitojmë dhe humbim të gjithë bashkë. Isha i zhgënjyer, por aspak fajtor. Na shkoi keq ajo ndeshje ndaj Realit, tani ka ardhur koha të ndërrojmë faqe”, u shpreh kampioni i Europës me Italinë në vitin 2021.
Discussion about this post