Emanuela, bashkëshortja e Ilir Shaqirit ka folur për planet e së ardhmes, ku është dakord ta mbështesë bashkëshortin e saj në çdo hap dhe vendim që do të marrë ai.
Lidhur me jetesën ajo tregoi gatishmërinë të kthehej dhe të jetonte në Shqipëri.
“Unë e dua Tiranën, Shqipërinë, vendet, detin, natyrën, njerëzit janë fantastikë, kuzhinën, nuk e kam problem të jetoj në Tiranë. Por nuk kemi ende një projekt të sigurt sepse gjithçka ndodhi shumë shpejt”, tha aktorja.
Ditën e sotme, ajo ka qenë e ftuar në emisionin “Breaking”, ku ka folur gjithashtu edhe për ditët e para që ka kaluar me bashkëshortin pas fitores së “Big Brother VIP”, ku ka treguar përjetimet e tij që ka kaluar brenda shtëpisë. Ajo është shprehur se ende nuk e ka kuptuar që përfundoi ajo eksperiencë.
Nga ana tjetër, tregoi se pasi Iliri fitoi po priste të gjente Emily-n në studio, por ajo nuk mundi të ishte pranë tij sepse ishte infektuar me Covid-19. Gjithashtu, tregoi edhe se si e përjetoi Emily nga Italia finalen e madhe dhe fitoren e babait të saj.
“Ajo u ndje shumë e lumtur sigurisht, por dhe e mërzitur që nuk ishte këtu për ta përjetuar nga afër. Megjithatë, po bëjmë gjithçka gati që ajo të vijë këtu dhe ta takojë Ilirin dhe të përjetojë nga afër të gjitha emocionet”, vazhdoi bisedën ajo.
Kujtojmë se diçka të tillë e tha edhe Iliri gjatë finales kur shprehu gatishmërinë për tu rikthyer në vendin e tij të lindjes.
Discussion about this post