Pankarta në protestën kundër Ramës: Njeriu më i urryer në Shqipëri!

Protesta e 32-të kundër qeverisë së kryeministrit Edi Rama është shoqëruar edhe me një veprim simbolik nga protestuesit.

Në shkallët e godinës së Kryeministrisë, ata vendosën një poster me foton e Edi Ramës, ku shkruhej: “Njeriu më i urryer në Shqipëri” dhe “Game Over”, si shenjë kundërshtimi ndaj qeverisjes.

Sipas organizatorëve, protesta është pjesë e një serie tubimesh që kanë hyrë në muajin e dytë dhe do të vijojnë deri në plotësimin e kërkesave të tyre, të cilat lidhen me zgjedhje të lira, reformë zgjedhore dhe ndryshime në sistemin politik.

Protestuesit deklarojnë se do të vazhdojnë mobilizimin në ditët në vijim, duke theksuar se aksionet e tyre do të mbeten paqësore, por të vazhdueshme.