Një amendament për lirimin e menjëhershëm të kryebashkiakut të Himarës, Fredi Beleri dhe për mbrojtjen e pakicës kombëtare greke është paraqitur nga Partia Popullore Europiane në Raportin për anëtarësimin e Shqipërisë në BE, i cili pritet të votohet në Asamblenë Plenare të Parlamentit Evropian të martën e ardhshme, më 11 korrik.
Sipas njoftimit përkatës të PPE “me mbështetjen absolute të deputetëve të PD-së dhe asistencën e kryetarit të KO të PPE-së, Manfred Weber dhe koordinatorit në Komisionin e Jashtëm, Michael Galler, miratoi njëzëri propozimin e deputetit të ND dhe PPE, Manolis Kefalogiannis për lirimin e menjëhershëm të kryebashkiakut të zgjedhur të Heimarrës, Fredi Belerit dhe mbrojtjen e të drejtave të minoritetit grek”.
Konkretisht, me amendamentin shprehet “shqetësimi i thellë” i Parlamentit Europian “për arrestimin e kryebashkiakut të zgjedhur të Himarës, Fredi Beleri në prag të zgjedhjeve bashkiake në Shqipëri dhe vazhdimin e paraburgimit të tij, i cili cënon prezumimin e pafajësisë dhe e pengon atë të marrë detyrën si i zgjedhur”
Gjithashtu, në amendament theksohet se çështja konkrete “është e lidhur absolutisht me respektimin e të drejtave themelore, me çështjen pronësore të minoritetit etnik grek në Bashkinë e Himarës dhe akuzat për shpronësime të paligjshme nga autoritetet shqiptare”.
Amendamenti vjen pas vizitës së Manolis Kefalogiannis në kryebashkiakun e paraburgosur të Himarës në burgjet e Tiranës dhe nismave që ai ka ndërmarrë në Parlamentin Europian pas takimit të tij (z. Kefalogiannis) me presidenten e PE, Roberta Metsola, për lirimin e menjëhershëm të Fredi Belerit dhe marrjen e detyrës së kryetarit të bashkisë”, siç raportohet.
Mediat greke theksojnë se, Grupi Parlamentar i PPE është grupi më i madh politik në Parlamentin Evropian me 177 eurodeputetë nga të gjitha shtetet anëtare.
Discussion about this post