Rusia zhvendos trupat në rajonin e Donbasit në Ukrainë, lidhur me këtë situatë ekspertët paralajmërojnë se perspektiva e shpërthimit të një lufte në Evropë, e kombinuar me sanksione të rënda ekonomike ndaj Rusisë, do shkaktojë paqëndrueshmëri në tregun e energjisë, që mund të përkthehet në kosto shumë më të larta për benzinën dhe gazin natyror.
Duke qënë se Rusia është një nga prodhuesit më të mëdhenj në botë të naftës dhe gazit natyror, ndërprerjet në prodhimin e saj, qoftë si pasojë e paqëllimshme e veprimeve ushtarake ose si përgjigje ndaj sanksioneve ndërkombëtare, mund të kenë një efekt të thellë në çmimet e energjisë.
Çmimet globale të naftës janë jashtëzakonisht të ndjeshme ndaj ndërprerjeve të furnizimit, bënë me dije Ed Hirs, hulumtues i çështjeve të energjisë në Universitetin e Hjustonit.
“Rusia eksporton rreth katër milionë e gjysmë fuçi nafte në ditë, në një treg global me afërsisht 100 milionë fuçi në ditë. Nëse një milion fuçi lihen mënjanë, për përpjekjet e luftës ose për shkak se sanksionet ndërpresim furnizimin, apo nëse ndodh një katastrofë në fushat e naftës ruse ndërsa lufta përparon … ne do të presim që çmimet e naftës të rriten me 20 deri në 25 për qind. Kjo do të thotë se çmimi me pakicë i benzinës do të rritet me 50 deri në 75 cent”.
Nga ana tjetër, tensionet janë rritur në Ukrainë gjatë muajve të fundit, çmimet e naftës, në veçanti, i janë përgjigjur kësaj pasigurie të shtuar duke u rritur ndjeshëm. Ditën e djeshme, çmimi i naftës së papërpunuar rezultoi të ishte mbi 96 dollarë për fuçi, nga nën 70 dollarë për fuçi në fillim të dhjetorit. Duke qenë se gazsjellësi nuk ka qenë kurrë funksional, ky njoftim nuk kishte asnjë efekt në furnizimet aktuale të energjisë.
Megjithatë, një zyrtar i lartë i administratës mori vendimin për të pezulluar miratimin e gazsjellësit si një hap të rëndësishëm në thyerjen e varësisë së Evropës nga Rusia për gaz natyror dhe tha se Shtetet e Bashkuara do të vazhdojnë të rrisin dërgesat e gazit natyror të lëngshëm në Evropë për të kompensuar për çdo humbje të furnizimit nga Rusia.
Si rezultat i pandemisë së koronavirusit, tregjet e energjisë ishin bërë të ndjeshme, edhe para se Rusia të fillonte të grumbullonte trupa në kufirin e Ukrainës vitin e kaluar. Pasojë e kësaj situate ishte një rënie e madhe e prodhimit, pasi shumë operacione nxjerrjeje me kosto të lartë u bënë ekonomikisht të paqëndrueshme dhe u ndërprenë.
Së fundmi, kjo nuk do të thotë se nuk do të ketë ndërprerje në një periudhë afat-shkurtër, por janë hedhur hipoteza që për një periudhë afat- mesme çmimet e naftës do të bien.
Discussion about this post