Pasi u zu ngushtë në lidhje inceneratorin e Tiranës, që nuk ishte miratuar ndërtimi i tij nga Këshilli Bashkiak, kryeministri Edi Rama nuk e ka kapërdirë lehtë. Për këtë, pas pushimit ai paraqiti në Komisionin Hetimor të Inceneratorëve dy vendime të Këshillit Bashkiak të Tiranës në lidhje me miratimin e ndërtimit të impianteve të mbetjeve. Por duke parë datën e firmosjes së tyre, kryetarja e komisionit Jorida Tabaku, deklaroi se ato nuk kanë asnjë vlerë pasi janë nënshkruar pasi është lidhur kontrata për inceneratorin e Tiranës.
Pjesë nga diskutimi:
Edi Rama: Meqë u kërkua me një farë insistimi që të kërkojmë nga Bashkia e Tiranës dy vendime të Këshillit Bashkiak, janë dy vendime që unë kam sjellë. Janë fotokopje, po sjellin dhe vendimin me vulë pasi është shumë i gjatë.
Belind Këlliçi: E cilës datë është?
Rama: Njëri është 28/9/2017
Këlliçi:Atë e kemi që dje
Rama: Tjetri është 21/12/2017
Rama: Po ja çoj Belindit se Belindi m’i kërkoi. Nuk kanë vlerë zyrtare se janë fotokopje.
Jorida Tabaku: Kontrata është firmosur më 31/8/2017, janë dy vendime që janë firmosur pas kontratës. Ajo shkresa që ka nisur Erion Veliaj the që nuk është kontratë, ja ku e ke kontratën 1 muaj përpara sat ë miratohej kontrata në Këshillin Bashkiak.
Discussion about this post