Autoritetet serbe kanë arrestuar një shtetas shqiptar në pikën kufitare në Merdare, nën dyshimin për nxitje të urrejtjes dhe intolerancës kombëtare, racore dhe fetare. Lajmi është konfirmuar nga zëvendëskryeministri dhe ministri i Brendshëm i Serbisë, Ivica Daçiç.
Sipas Daçiç, i arrestuari është një 53-vjeçar shqiptar, i cili udhëtonte me një furgon tip ‘Mercedes’. Gjatë kontrollit të automjetit, policia ka gjetur dhe sekuestruar:
-
244 flamuj me mbishkrimin UÇK
-
22 bluza me mbishkrimin UÇK
-
86 kapele me logon UÇK
-
65 bluza sportive me figurën e Agim Ramadanit
-
58 shalla me stemën e Shqipërisë
-
92 “plisa” (kapelë tradicionale shqiptare)
Sipas autoriteteve serbe, dyshohet se këto materiale kishin për qëllim përdorimin gjatë ndeshjes së futbollit Serbi–Shqipëri, e cila është planifikuar të zhvillohet këtë të shtunë në qytetin e Leskovacit.
“Policia ka vepruar në përputhje me ligjin dhe ka parandaluar një provokim të mundshëm që synonte nxitjen e tensioneve ndëretnike,” – deklaroi Daçiç për mediat serbe.
Shtetasi shqiptar ndodhet aktualisht në paraburgim dhe po hetohet për veprën penale të nxitjes së urrejtjes dhe intolerancës kombëtare, racore dhe fetare, vepër kjo e ndëshkueshme sipas ligjeve të Serbisë.
Nuk ka ende një reagim zyrtar nga autoritetet shqiptare apo nga përfaqësues të komunitetit shqiptar në lidhje me ngjarjen.
Discussion about this post