Pranga shqiptarit në Itali, si e theu arrestin e shtëpisë dhe u përfshi në një sherr

Policia italiane ka vënë në pranga një shqiptar, pasi akuzohet se ka thyer masën e sigurisë “arrest shtëpie” dhe është përfshirë në një sherr. Sipas mediave vendase, bëhet fjalë për një 24-vjeçar, identiteti i të cilit ende nuk dihet.

Shqiptari ishte përfshirë në një sherr në rrugë në Frosinone. Nga hetimet rezultoi se i riu ishte në ‘arrest shtëpie’ pasi ishte akuzuar për veprën penale të grabitjes, ndërsa kishte shkelur kërkesat e vendosura nga organet e drejtësisë. Tashmë shqiptari ndodhet në burgun e Frosinone.