Për situatën në jug të Shqipërisë, ka folur Perfekti i Vlorës, Flamur Mamaj, pas daljes nga shtrati të lumit Vjosë. Mamaj thotë se niveli i lumit tashmë po ulet dhe se situata po përmirësohet, duke njoftuar se tashmë rreziku ka kaluar.
“Jemi në një situatë qetësie pas një kalvari të gjatë pas 24 orësh të ngritjes së nivelit të lumit Vjosë si në urën e Mufolit, si në Memaliaj ashtu edhe në Përmet. Jemi në kushte të përmirësimit të kushteve atmosferike dhe kushteve të nivelit në Urën e Mufolit” – thotë Flamur Mamaj.
Sipas tij, është kaluar pika e rrezikut dhe situata është drejtë stabilizimit.
“Mund të them me bindje të plotë, që e kemi kaluar pikën e rrezikut, jemi drejt stabilizimit të situatës. Përfitoj nga rasti të them që edhe për shkak të masave të marra nga Komisioni i Mbrojtjes Civile dhe me mbështetjen e jashtëzakonshme të Agjencisë Kombëtare të mbrojtjes Civile dhe Ministrisë së Mbrojtjes.
Si deputet i qarkut të Vlorës kemi arritur të përballojmë me sukses të gjitha pasojat që shkaktoi lumi i Vjosës. Ne e përballuam me shumë sukses, me kosto të vogla dhe dëme minimale këtë segment”- shkruan Mamaj.
Discussion about this post