Prej 3 vitesh në burgun e Lezhës, ekstradohet drejt Italisë Ilir Bajri

Është ekstraduar drejt Italisë, Ilir Bajri, i dënuar për shfrytëzim prostitucioni dhe trafik narkotikësh nga institucionet italiane.

Bajri është dënuar në Bolonja më 10 dhjetor të vitit 2010 me 5 vite e gjysmë burg për shfrytëzim prostitucioni, emigracion klandestin, falsifikim dokumentesh dhe trafik narkotikësh. Ilir Bajri u arrestua në shtator të vitit të kaluar si pjesë e grupit “Bajri” të dyshuar si pjesë e një grupi të strukturuar kriminal bashkë me disa persona të tjerë ndërsa çështja ndaj tyre vijon ende tek Prokuroria e Krimeve të Rënda.

Bajri ndodhej prej afro 3 vitesh në burgun e Lezhës për tu ekstraduar vetëm sot drejt Italisë. Pjesë e grupit ishin gjithashtu edhe Enver dhe Bardh Bajri, Elvis Baroti, Gëzim Cerceku, Jetmir Topi dhe Fatmir Tafazi. Grupi ka vepruar në zonën Cervia dhe Ravena gjatë periudhave korrik 2000-gusht 2002.