Zjarri në fshatin Ndershen të Oroshit në Mirditë ka marrë përmasa të mëdha, pasi prej dy ditësh zona pyjore është përfshirë nga flakët. Bëhet me dije se vatra e zjarrit një pjesë të konsiderueshme të pyllit me pisha dhe lis. Aktualisht në zonë ndodhen 4 automjete zjarrfikëse si dhe helikopter për të bërë të mundur shuarjen e zjarrit. Por, terreni është shumë i thyer malor dhe është e pa mundur të ndërhyhet me mjete dhe forca tokësore.
Ditët e fundit, në territorin shqiptar zjarret kanë qenë masive mirëpo për fat të mirë asnjë prej tyre nuk ka marrë jetë në njerëz. Në të gjithë vendin mbeten gjashtë vatra aktive zjarri. Ministri i Mbrojtjes Niko Peleshi bën të ditur se vatrat aktive janë në qarqet Berat, Shkodër, Lezhë, Elbasan dhe Durrës. Siç bëhet e ditur, me to po punohet prej orëve të para të ditës nga forcat operacionale në terren. Era është duke favorizuar flakët, por pa rrezik për zonat e banuara.
Discussion about this post