Bizneset do të përballen me rritje deri në dyfish të tarifave të transmetimet dhe të shpërndarjes së energjisë elektrike. Këto shifra prezantohen nga dy vendime të Entit Rregullator të Energjisë Elektrike ku i është hapur drita jeshile shqyrtimit të kërkesave të operatorëve të transmetimit dhe shpërndarjes për rritjen e çmimit të shërbimit.
Rishikimi i tarifave do të bëhet në bazë të treguesve financiarë të dy kompanive, ndërkohë kosto fundore bie mbi konsumatorin edhe pse tarifat me të larta të parashikuar mbi biznesin. Operatori i Sistemit të Shpërndarjes dhe Operatori i Sistemit të Transmetimit kërkojnë tarifa më të larta.
Kush ka lidhje tensioni 35kv, 20kv dhe 0.4 kv, do të paguajë më shtrenjtë energjinë elektrike. Këtu përfshihen edhe furrat e bukës që furnizohen me linjë tensioni 04 kv.
Enti Rregullator i Energjisë jep të dhëna edhe mbi totalin e të ardhurave të kërkuara nga 2 kompanitë, ku edhe bazohet kërkesa e tyre për rritjen e tarifave. Operator i Transmetimit kërkon të ardhura në vlerën e rreth 11 876 milionë lekëve ku sasia e energjisë e parashikuar për t’u lëvruar në rrjetin e transmetimit është 7.720 gigavat/orë.
Në bazë të propozimit, tarifa e shpërndarjes për 35 kv ishte 1.5 lekë/kwh dhe do të bëhet 261 lekë/kwh, duke shënuar një rritje me 74%.
Tarifa e shpërndarjes për 25kv ishte 3.9 lekë/kwh dhe do të bëhet 3.99 lekë/kwh, duke shënuar një rritje me 2.3%.
Ndërkohë tarifa mesatare e shpërndarjes do të shënojë një rritje me 34%, pasi vlera e shpërndarjes përpara këtij vendimi të Këshillit të Ministrave ishte 4.79 lekë/kwh dhe do të bëhet 6.63 lekë/kwh.
Propozimi i OSSH
Në aplikimin e përditësuar, konstatohet se OSSH sh.a., ka vijuar të kryejë llogaritjet e
shpenzimeve të transmetimit të energjisë elektrike për mbulimin e humbjeve në rrjetin e
shpërndarjes bazuar në tarifën e transmetimit në fuqi.
• Totali i të ardhurave të kërkuara nga shoqëria OSSH sh.a., për vitin 2022 është në vlerën 37,108
miliardë lekë, ku sasia e energjisë elektrike e parashikuar për tu lëvruar në rrjetin e shpërndarjes
është 5,776 GWh, duke rezultuar në një tarifë mesatare shpërndarje prej 6.42 lekë/kWh ose në
një rritje prej 34% nga tarifa prej 4.79 lekë/ kWh në fuqi e miratuar nga ERE. Shoqëria OSSH
sh.a., gjithashtu ka propozuar miratimin e tarifave sipas nivelit të tensionit për vitin 2022, si
më poshtë vijon:
a) Tarifa e shpërndarjes së energjisë elektrike në tension 35 kV — 2.61 Lekë/Kwh
b) Tarifa e shpërndarjes së energjisë elektrike në tension 20-6 kV— 3.99 Lekë/Kwh
c) Tarifa e shpërndarjes së energjisë elektrike në tension 0.4 kV— 6.63 Lekë/Kwh
Propozimi i OST
Totali i të ardhurave të kërkuara nga shoqëria OST sh.a., për vitin 2022 është në vlerën 11,876
milion lekë, ku sasia e energjisë elektrike e parashikuar për tu lëvruar në rrjetin e transmetimit
është 7,720 GWh, duke rezultuar në një tarifë mesatare të transmetimit të energjisë elektrike
prej 1.54 lekë/kWh për vitin 2022 dhe për periudhën rregullatore 3 vjeçare 2022-2024, një
tarifë mesatare transmetimi prej 1.47 lekë/ kWh ose një rritje prej 96% nga tarifa prej 0.75
lekë/kWh në fuqi e miratuar nga ERE.
Kjo rritje çmimesh pritet të prekë bizneset e vendit të cilët furnizohen me energji elektrike nga OSSH-ja, ku një ndër sektorët e prekur do të jenë dhe bizneset e Furrës së Bukës. Ndonëse aktualisht kjo rritje prek drejtpërdrejtë bizneset, zinxhiri ka gjasa të mos shkëputet këtu, por të transmetohet dhe në hallkën tjetër, atë të familjeve të thjeshta shqiptare, të cilat konsumojnë produktet e këtyre industrive.
Discussion about this post