Nuk ka fitues në ndeshjen hapëse të javës së 31 të Premier League angleze mes Bournemouth dhe Manchester United. Në Vitality Stadium kjo përballje u mbyll me barazimin 2-2 me skuadrat që dolën nga fusha e lojës me nga vetëm 1 pikë secila.
jesa e parë e ndeshjes përfundoi 0-0 pavarësisht mundësive për shënim që patën të dyja skuadrat. Por në pjesën e dytë gjërat ndryshuan krejtësisht teksa në këtë 45 minutësh ndodhi gjithçka. Në minutën e 61, Manchester United zhbllokoi rezultatin me Bruno Fernandes që ekzekutoi saktë duke marrë avantazhin 1-0.
Pak minuta më vonë skuadra e Michael Carrick pretendoi një tjetër penallti por pa sukses dhe menjëherë, Bournemouth barazoi shifrat në 1-1 me Ryan Christie në minutën e 67. Emocionet e kësaj sfide nuk u mbyllën këtu sepse 4 minuta më vonë Manchester United e pa veten sërish në avantazh falë autogolit të James Hill që erdhi pas ekzekutimit të një goditje këndi nga Djajtë e Kuq.
Ritmi ishte shumë i lartë dhe Bournemouth shumë shpejt u përgjigj teksa fitoi një 11 metërsh pas një faulli të Maguire që u ndëshkua me karton të kuq. Eli Kroupi që prej pak minutash kishte hyrë në lojë, u tregua i saktë duke barazuar shifrat në 2-2. Historitë e kësaj ndeshjeje nuk ndryshuan më dhe rezultati mbeti 2-2 me Manchester United që shkon në 55 pikë duke e ruajtur vendin e tretë në klasifikim, ndërsa Bournemouth shkon në 42 pikë në vendin e 10.
gijotina.com/
Discussion about this post