Disfata e fundit në Premier League ndaj Nottingham Forest, rezultoi fatale për fatet e trajnerit të Leeds United, Jesse Marsch. Skuadra po kalonte një formë tejet negative në elitën angleze duke qenë se prej shtatë ndeshjesh nuk njeh fitore, ndaj ai që pësoi në fund ishte tekniku 49-vjeçar.
Amerikani u emërua në krye të Leeds United më datë 28 shkurt të vitit të kaluar, por tashmë e mbylli aventurën në ishull pa mbushur një vit. Nga ana tjetër, drejtuesit e Leeds United kanë gjetur edhe zëvendësuesin Marsch.
I preferuari i drejtuesve të klubit një herë nën-kampion të Europës është Carlos Corberan. Ky i fundit aktualisht është i impenjuar me West Bromwich në Championship, mirëpo një aventurë në Premier League duket se mund ta joshë 39-vjeçarin. Situata për Leeds aktualisht në Premier League është e komplikuar duke qenë se skuadra renditet në vendin e 17-të me 18 pikë duke qenë e përfshirë në garën e mbijetesës.
Discussion about this post