Klubi i Flamurtarit është duke punuar për rikthimin në Kategorinë e Parë e më pas në Superligë dhe për të arritur këtë qëllim mësohet se janë duke bërë edhe investime.
Burime për Gijotina.com bëjnë me dije se skuadrës i është premtuar se nëse do të fitojnë tre ndeshje radhë atëherë ata do të marrin premio. Takimi i parë, ai i vlefshëm për javën e gjashtë të Kategorisë së Dytë kundër Këlcyrës u fitua me rezultatin e thellë 5-0.
Ndërsa takimi i radhës është ai për raundin e 1/8 të Kupës së Shqipërisë kundër Kastriotit, që do të luhet të mërkurën në orën 14:00 dhe ndeshja e tretë, e cila duhet të fitohet me patjetër nga vlonjatët është për Kategorinë kundër Albpetrolit që do të zhvillohet në orën 14:00 të dielën.
Takimi i Kupës pritet të jetë shumë i vështirë për ‘Kuqezinjtë’, të cilët përballë do të kenë një prej ekipeve të Superligës dhe ky premio vështirë se mund të merret.
Pra një premtim për premio ky që bazuar në takimet që kanë përpara, duket e pamundur në letër që të fitohet.
Teksa më tej mësohet se që në momentin e firmosjes së kontratës lojtarëve iu ka kaluar 20-30% e pagesave, konsideruar kjo si formë motivimi./K.T/Gijotina.com
