Premtimi i Këlliçit: Ujërat e zeza nuk do të derdhen më në Lanë

Kandidati i Partisë Demokratike për Bashkinë e Tiranës Belind Këlliçi ka bërë premtimin e radhës elektoral për zgjedhjet e 14 Majit.

Ditën e sotme ai u shpreh se brenda mandatit të parë lumi i Lanës do të kthehet në një vend pushimi për qytetarët ku nuk do të derdhen më ujërat e zeza.

“Lumi Lana brenda mandatit të parë do të kthehet në një vendpushimi dhe rekreacioni. Ujërat e zeza nuk do të derdhen më në Lanë.

Do të shtrohen tuba në skarpatën e Lumit në dy kolektorë me kapacitet të madh që do të lidhen me impiantin e ujërave të zeza në Kashar. Lana nuk do të jetë më si nevojtore. Do të ngrihen disa banjo publike përgjatë lumit Lana”, tha ai.