Situata në veri të Kosovës vazhdon të jetë e tensionuar. Ndërkohë, këtë pasdite Blerim Vela, shef i kabinetit të presidentes Vjosa Osmani ka kërkuar që Bashkimi Europian të sanksionojë veprimet e presidentit serb Aleksandër Vuçiç, pas zhvillimeve të fundit në veri.
Në një postim në Twitter, ai ka deklaruar se Serbia mori mbështetje të plotë nga regjimi i Vladimir Putinit për veprimet përshkallëzuese të djeshme në veri të Kosovës. “Është një konfirmim se si Rusia e sheh Serbinë – një instrument për ta destabilizuar Kosovën, rajonin dhe kontinentin europian. Është koha që BE-ja t’i sanksionojë veprimet e Vuçiçit”, ka shkruar ai.
Discussion about this post