Në një deklaratë për agjencinë BGNES, presidenti bullgar Rumen Radev thotë se “udhëheqësia e RMV-së duhet të bindë jo Bullgarinë, por bashkëqytetarët e saj, se po ndërton një shtet demokratik, në të cilin klubet bullgare nuk preken, nuk u vihet flaka dhe bullgarët në këtë vend nuk i nënshtrohen represionit sistematik, dhunës fizike dhe gjykimeve të orkestruara”.
“Udhëheqja e RMV-së do të mund të pretendojë se po ndërton shoqëri moderne multietnike, kur të gjejë forcën të shkruajë në Kushtetutën e saj bashkatdhetarët e Goce Dellçevit”, thotë presidenti bullgar.
Në lidhje me protokollin e nënshkruar mes Shkupit dhe Sofjes, ai nuk sheh asnjë përparim.
“Nuk ka asnjë përparim atje. Prandaj po flas me liderët dhe institucionet evropiane që të ketë një lëvizje sipas këtij protokolli, sepse aty janë tekstet, ka gjuhën e urrejtjes, ka median, ka hapjen e arkivave dhe kërkimin e faljes për represionin etnik ndaj bullgarëve ndër vite. Ka edhe gjëra të tjera të rëndësishme, siç është ruajtja e trashëgimisë sonë kulturore”, thotë Radev.
Radev nënvizoi se përfshirja e bullgarëve në Kushtetutën e vendit është kusht i detyrueshëm për fillimin e negociatave për anëtarësim në BE dhe ky kusht është përfshirë edhe në kornizën negociuese të të ashtuquajturit Propozimi francez.
Sipas tij, mbjellja e urrejtjes ndaj bullgarëve është një proces që vazhdon prej dekadash.
Discussion about this post