Armand Duka ka përshëndetur kuqezinjtë e Kombëtares për dy fitoret e arritura radhazi për muajin qershor: fitoren 2-0 ndaj Moldavisë në “Air Albania” dhe fitoren 3-1 në transfertë ndaj Ishujve Faroe.
Presidenti i Federatës Shqiptare të Futbollit, teksa shpreh mirënjohjen dhe falenderon futbollistët, stafin e Kombëtares dhe tifozët për mbështetjen e dhënë, bën apel edhe për ndeshjet e ardhshme të muajit shtator, të cilat do të jenë përcaktuese për Kombëtaren tone në aventurën europiane “Gjermani 2024”.
“Qershori kuqezi mbyllet në më të mirë. Dy fitore, lojë bindëse, karakter dhe shumë grindje. Nuk ishte aspak e lehtë duke parët dhe faktin që lojtarët vinin pas një sezoni të gjatë dhe impenjativ.
Faleminderit të gjithë djemve dhe stafit teknik. Një mirënjohje e madhe dhe për tifozët janë fantastik që nuk munguan si në këtë transfertë të madh.
Shtatori na rezervon dy ndeshje të rëndësishme që të gjithë duhet të japim maksimumin për të arritur objektivin tonë: Gjermani 2024.
Të bashkuar, lojtarë, staf teknik, tifozë, media e opinion publik, jemi të pandalshëm,”- ka shkruar në rrjetet sociale, Armand Duka.
.
Discussion about this post