President i SHBA-së, Joe Biden ka deklaruar se Rusia do të përballet me sanksione të ashpra. Në një konferencë për mediat, Biden tha se ishte vetë Putini që zgjodhi rrugën e luftës.
“Për javë të tëra ne kemi paralajmëruar se çfarë do ndodhte. Tashmë u bë ashtu siç e paralajmëruam. Putin është agresori, e zgjodhi vetë luftën. Ndaj vend i tij do të vuajë dëmet” – tha Biden.
Biden është shprehur se SHBA ka dhënë informacione për atë se çfarë mund të ndodhte dhe se Putin zgjodhi luftën dhe tashmë ai do të përballet me pasojat.
“Kemi dhënë informacione për atë se çfarë mund të ndodhte që të mos kemi konfuzion. Putin zgjodhi luftën dhe tashmë ai do të përballet me pasojat. Ne do shpallim sanksione të forta kundër Rusisë dhe do paguajë një çmim të lartë. Kjo do ketë impakt të madh ndaj Rusisë. Dua të jem i qartë dhe këtë SHBA spo e bëjnë vetëm por me partnerët e tyre” – thotë Biden.
Discussion about this post