Eskortë për presidentin e Napolit, Aurelio De Laurentiis. Masa është vendosur nga prefektura e kryeqendrës së Campanias pas tensioneve me një pjesë të ultrasve.
Në ndeshjen e fundit të kampionatit, në shtëpi kundër Milanit, tifozët heshtën në shenjë proteste ndaj çmimeve të biletave dhe për zbatimin e rreptë të masave për banderolat dhe flamujt që do të shpaloseshin në stadium.
“Ata nuk janë tifozë të vërtetë, ata janë kriminelë që lejohen të shkojnë në stadium – tha De Laurentiis, duke komentuar përplasjet në sektorin blu në “Maradona” gjatë ndeshjes së kampionatit kundër Milanit.
– “Për sa kohë që miratohet një ligj si “Ligji Thatcher” në Itali, do t’i kemi gjithmonë këto probleme”.
Një grup prej rreth 700 ultrasish të Napolit nuk kënduan gjatë ndeshjes kundër kuqezinjve, duke kërcënuar ata që kishin tentuar ta bënin këtë, derisa ndodhi përplasja që bëri xhiron e botës.
Nga ana e tij, presidenti i Napolit, i ofenduar për 90 minuta, shkoi te kuestori Alessandro Giuliani për të kërkuar pamjet nga kamerat brenda stadiumit.
De Laurentiis nuk e ka në mendje ndryshimin e rregullores së përdorimit të stadiumit që nuk u pëlqen ultrasve./SSA/
Discussion about this post