Presidenti i skuadrës së Milanit, Paolo Scaroni ka theksuar se lojtarët dhe stafi duhet të ëndërrojnë për titullin kampion për shkak se rezultatet i japin të drejtë.
“Scudetto? Ju duhet të ndiqni ëndrrat tuaja dhe unë kam Parë me kënaqësi që trajneri dhe lojtarët kanë ambicie të mëdha. Por unë jam një njeri biznesi dhe në buxhetin e këtij viti kemi shkruar kualifikimin për Ligën e Kampionëve. Nën drejtimin e sigurt të Piolit, Milani po përparon çdo ditë. Ajo që më pëlqen më shumë tek ai është se ai kurrë nuk ankohet, ai gjithmonë gjen zgjidhjen e duhur për t’u përballur me lojën. Ai është një person me cilësi”, theksoi Scaroni.
