Partia Demokratike ka kërkuar që mbledhja e konferencës së kryetarëve, ku do të diskutohet agjenda parlamentare për zgjedhjen e Presidentit të ri të Republikës të jetë live.
“Faleminderit që kjo mbledhje ndryshe nga tradita të transmetohet live. Unë besoj se di ka të gjitha parametrat që një mbledhje e tillë t’i përcillet publikut drejtpërdrejt”, u shpreh Alibeaj.
Në këtë mbledhje marrin pjesë përfaqësues të mazhorancës dhe krerët e grupeve parlamentare të opozitës, Enkelejd Alibeaj për PD, Fatmir Mediu për PR dhe Mesila Doda për PDIU.
Kujtojmë se Partia Socialiste ka vendosur 10 majin si raundin e parë për votimin e emrit të ri për President, por kjo datë është kundërshtuar nga demokratët, ndërsa mbledhja pritet të shoqërohet me debate.
Discussion about this post