Akoma nuk ka asnjë shenjë nga dy të miturit që janë zhdukur në Elbasan. Banorët e lagjes kanë folur lidhur me ngjarjen, ata janë shprehur të shokuar për çfarë kanë ndodhur dhe shprehen se nuk mund ta besojnë se ata janë zhdukur. Banorët thonë se asnjë nga të miturit nuk ishte problematik. Ata i përshkruajnë si fëmijë të rregullt dhe aspak problematikë.
“Nuk e di për çfarë mund të kenë ikur, ndoshta për punë. Ata s’kanë qenë fëmijë problematike jo. S’kam ndonjë vërejtje, ishte djalë i mirë. Merrej me sportin ai, shokët e tij duhet të dinë më mirë. Nuk e di se sa vjeç është, është i vogël ai, s’ma merr mendja se është zhdukur. Deri dje këtu i pashë”, u shpreh një banor.
Sipas të dhënave nga familjarët djali 15 vjeç me inicialet dhe 13- vjeçarja S.J mësohet se ishin në një lidhje dashurie bashkë dhe se janë larguar me taksi nga qyteti i Elbasanit në ‘Qytet Studenti’ në kryeqytet. Bëhet me dije se vajza ka dalë në pushim të gjatë të premten dhe kamerat e shkollës kanë fiksuar teksa shoqet e saj i kanë hedhur nga dritarja e klasës çantën e shkollës. Nga bashkëmoshataret e saj thuhet se ajo ishte një nxënëse shumë e mirë dhe se largimi ishte i planifikuar pasi ditët e fundit, 13-vjeçarja po kursente dhe mblidhte para pasi i duheshin. Nga ana tjetër edhe djali kishte shitur biçikletën dhe telefonin për të pasur para mjaftueshëm për tu larguar.
Discussion about this post