Kreu i grupit parlamentar të Partisë Socialiste, Taulant Balla dhe ministrja Elisa Spiropali kanë në dalë në një konferencë për mediat për diskutimet rreth emrit të ri për Presidentin e Republikës.
Para gazetarëve, Balla ftoi në konsultime tre krerët e grupeve parlamentare nga ana e opozitës, Enkelejd Alibeaj, Mesila Doda dhe Fatmir mediu, por nuk përmendi asnjë nga anëtarët e Komisionit të Rithemelimit.
“Në të njëjtën kohë duam të nxisin publikun të bëhet pjesë ndaj në adresën zyrtare [email protected] nxisim publikun që të sjellin propozimet e tyre, ky është një standard i ri, për tu ndarë nga kuliset e vjetra të konsultimeve për zgjedhjen e presidentit. Çdo qytetar që ka dëshirë është i lutur që në këtë adresë emaili, të sjellë propozimet e tij. Ne do të ftojmë shoqërinë civile të bëhet pjesë e konsultimeve, që të sjellin propozime e tyre, do t’i ftojmë në ditët në vijim. E katërta janë konsultimet me GP të opozitës, do t’i ftojmë dhe duke qenë se koha është e shkurtër, të martën pasdite zotin Alibeaj, zonjën Mesia Doda dhe Fatmir Mediu në një takim paraprak këtu në zyrat Kuvendit. Kushtetuta thotë që në 3 raunde kërkohet një shumicë e cilësuar, e cila kërkon një lloj dialogu me opozitën në Kuvendin e Shqipërisë, duke përcaktuar kushtet kryesore të presidentit të ri. Për ti dhënë Shqipërisë një president të hijshëm në vitin 2020, një president normal dhe komplet të kundërt nga ajo që kanë parë te Ilir Meta”, tha Balla.
Teksa u pyet se pse nuk ka asnjë emër nga Komisioni i Rithemelimit, Balla nuk i kurseu ironitë duke thënë se nuk ka në Kuvend një grup të tillë parlamentar.
“Historikisht në Kuvendin e Shqipërisë ndodh të gjitha proceset që kanë ndodhur që nga 2002. Konsultimet janë brenda Kuvendit. Kushtetuta vetëm këto parasheh. Nuk di që në Kuvend të ketë një grup parlamentar. Si ishte Këshilli? Apo Komisioni i Rithemlimit. Nëse do kishte, do ishte grupi i pestë nuk e njoh” tha Balla.
Ndërkohë, më datë 4 maj sipas Ballës do të jetë seanca e parë për emrin e Presidentit.
Discussion about this post